ABŞ-ın keçmiş prezidenti Donald Tramp ikinci müddətə yenidən seçiləcəyi təqdirdə inauqurasiyadan əvvəl Ukraynada sülhə nail olacağına söz verib.
Modern.az xarici KİV-ə istinadən xəbər verir ki, Tramp ABŞ-ın “Merit Street Media” telekanalına müsahibəsində deyib:
“Mən vəzifəyə başlayana qədər problemlə məşğul olacağam və Ukraynadakı münaqişəni həll edəcəyəm. Çünki seçilmiş prezident kimi mənim böyük səlahiyyətlərim olacaq”.
Eyni zamanda Tramp qeyd edib ki, Ukraynada vəziyyət daha da pisləşir.
“Onlar indi silah alırlar ki, Rusiyanın dərinliklərinə zərbələr endirə bilsinlər. Bütün bunlar hara gedir?”, - deyə siyasətçi vurğulayıb.
“Ölkəmiz dünya müharibəsinə cəlb olunmaq kimi böyük təhlükə altındadır. Bizim prezident (Co Bayden) bununla məşğul olmamalıdır”, - deyə Tramp əlavə edib.
ABŞ-da prezident seçkiləri bu ilin noyabrında keçiriləcək.
