ABŞ və Polşa Rusiyadan gələn dezinformasiyaya qarşı mübarizə mərkəzi açıb.
Modern.az xəbər verir ki, AP agentliyi bu barədə saxta xəbərlərlə mübarizəyə cavabdeh olan amerikalı diplomat Ceyms Rubin və onun polşalı həmkarı Tomaş Xlona istinadən yazıb.
Mərkəzin rəsmi adı Almaniya, Fransa və Ukraynanın özünün də daxil olduğu 12 ölkənin nümayəndələrinin daxil olacağı Ukrayna Rabitə Qrupudur.
Mərkəzin əsas vəzifəsi bütün dünyada Ukraynaya dəstəyi zəiflətməyə yönəlmiş Rusiyanın dezinformasiya kampaniyalarına qarşı çıxmaq olacaq. Son 9 il ərzində Aİ ən azı 17 min kremlyönümlü dezinformasiya faktını müəyyən edib.
Brüsseldən DW-yə bildiriblər ki, onların əksəriyyəti Ukraynaya qarşı yönəlib.
