“Milli Şuranın komissiyaları prezident seçkilərinə hesablanmışdı. Əlbəttə, bu komissiyaların işinə yenidən baxmaq lazımdır, əsaslı dəyişikliklər olmalıdır. Ola bilsin, bəziləri ləğv olundu, yeniləri yaradıldı. Bütün bunlar kompleks işin tərkib hissədir. Həm Milli Şuranın formatı, həm də idarəçilik strukturu kimi məsələlər müzakirə mövzusudur. Çox güman ki, qarşıdan gələn sessiyada bunlar həll ediləcək”.
Bunu Modern.az-a açıqlamasında Milli Şuranın Dini və Milli Azlıqlarla İş üzrə Komissiyasının sədri Eldəniz Quliyev deyib. E.Quliyev sədri olduğu komissiyanın seçkidə xeyli iş gördüyünü deyib: “Kifayət qədər iş gördük. Seçki vaxtı milli azlıqlara müraciət etdik, dini kəsimlərlə dəfələrlə görüşlər keçirdik. Bilisiniz ki, inanclı insanlar Milli Şuranı dəstəklədi. Təbii ki, bu işlər davam etdirilir”.
