Hazırda Azərbaycanda COP29-a hazırlıq çərçivəsində çoxsaylı fəaliyyətlər həyata keçirilir. Demək olar ki, bütün dövlət təşkilatları COP29-la bağlı hazırlıq məsələləri ilə məşğuldur.
Bunu Modern.az-a açıqlamasında Ekologiya və Təbii Sərvətlər Nazirliyi yanında İctimai Şuranın üzvü, ekoloq Rövşən Abbasov deyib.
Onun sözlərinə görə, tədbir çərçivəsində ölkəmizə 60-70 min aralığında insanın gələcəyi gözlənilir:
"Bu çərçivədə onların yerləşdirilməsi, qonaqlama yerlərinin artırılması əsas şərtlərdən biri kimi ortalığa çıxır. COP29-un mövzuları və həyata keçiriləcək digər tədbirlərin mövzuları, əsas çağırışlar hazırda intensiv şəkildə müzakirə olunur. Bu məsələlərlə əlaqədar ölkəmizə çoxsaylı mütəxəssislər də gəlib və COP29-untəşkl olunması istiqamətində Azərbaycan hökumətinə kömək edirlər".
Rəşid Qarayev
