Sentyabrın 1-də Azərbaycanda növbədənkənar parlament seçkiləri keçiriləcək. Artıq bir çox partiyalar namizədlərini açıqlayıb, müstəqil şəxslər deputat olmaq istədiklərini bəyan ediblər.
Milli Məclisin VI çağırışının bir neçə tərəfsiz deputatı da namizəd olacağını bəyan edib. Vahid Əhmədov, Əli Məsimli, Zahid Oruc və sair deputatlar artıq namizədliklərini bəyan ediblər.
Modern.az müstəqil deputatlar Aqil Abbas və Novruzəli Aslanovla da əlaqə saxlayıb.
Hər iki millət vəkili növbəti seçkilərdə iştirak edib-etməyəcəyi barədə qarşıdakı günlərdə ictimaiyyətə məlumat verəcəyini bildiriblər.
