Beynəlxalq Avrasiya Mətbuat Fondunun (BAMF) rəhbəri Umud Mirzəyev bir müddət əvvəl yerli mediaya açıqlamasında bildirmişdi ki, sentyabr ayının 1-də keçiriləcək növbədənkənar parlament seçkilərində iştirak etməklə bağlı dostlarından, çalışdığı sahədə fəaliyyət göstərən insanlardan çoxsaylı müraciətlər alır.
İyulun 8-də verdiyi açıqlamada bu müraciətləri dəyərləndirmək istədiyini, 1 həftə-10 gün ərzində qərarını qətiləşdirəcəyini qeyd etmişdi.
Modern.az seçkilərdə namizədliyini irəli sürüb-sürməyəcəyini öyrənmək üçün Umud Mirzəyevlə əlaqə saxlayıb.
Saytımıza açıqlamasında BAMF rəhbəri bunları deyib:
"Seçkilərdə iştirak etməyi düşünmürəm. Hələlik fikrim yoxdur. İrəliləyən vaxtlarda nəsə ola bilər".