Azərbaycanın xarici işlər naziri Elmar Məmmədyarov un başçılıq etdiyi nümayəndə heyəti noyabrın 26-da İran İslam Respublikasının Tehran şəhərində keçiriləcək İqtisadi Əməkdaşlıq Təşkilatının (İƏT) Nazirlər Şurasının növbəti 21-ci iclasında iştirak etmək məqsədi ilə bu ölkəyə səfər edəcək.
XİN mətbuat xidmətindən verilən məlumata görə, iclas zamanı gündəliyə uyğun olaraq, bir sıra məsələlərin müzakirəsi, o cümlədən təşkilat çərçivəsində ölkələr arasında əməkdaşlıq və təşkilatın inkişafı kimi məsələlərin müzakirəsi nəzərdə tutulur. Qeyd olunmalıdır ki, bu ilki iclasda İƏT Nazirlər Şurasına sədrlik Azərbaycan Respublikasından İran İslam Respublikasına keçəcək.
