İranın yeni prezidenti Məsud Pezeşkian parlamentdə çıxış edib.
Modern.az İran mətbuatına istinadən xəbər verir ki, Pezeşkian quracağı yeni hökumətin cəmiyyətdə ədaləti təmin etməyə çalışacağını bildirib.
Pezeşkian parlament tribunasından deyib:
"Bu gün çıxış etmək üçün deyil, təşəkkür etmək üçün buradayam. Allahın izni ilə əl-ələ verib ölkənin problemlərini həll edəcəyik".
Pezeşkian daha sözlərinə belə davam edib: "Parlamentdəki görüş və danışıqlarda da qeyd etdiyim kimi, ölkə münaqişə və döyüşlərlə idarə oluna bilməz. Böhranları və problemləri koordinasiya və həmrəyliklə aradan qaldırmaq üçün əl-ələ verməliyik.
Mesud Pezeşkian "Qurani-Kərim baxımından təqva hər sahədə qüsursuz hərəkətdir. Əgər pul, rütbə və vəzifə bizə təsir etməzsə, haqqı söyləyib məzlumlara kömək edə bilərik", deyə əlavə edib.
Xatırladaq ki, Mesud Pezeşkian iyulun 30-da yeni prezident kimi and içəcək, sonra bir həftə ərzində quracağı hökumətin tərkibini parlamentin müzakirəsinə verəcək.
