Daha sonra Mədəniyyət Evinin sədri Altay Rüstəmli, müavinlər Toğrul Əziz, Ağa Ağayev çıxış edərək siyasi proseslərdən uzaq olduqlarını, siyasi, etnik və dini mənsubiyyətindən asılı olmayaraq Mədəniyyət Evinin fəaliyyətinə öz tövhələrini vermək istəyən, özünü azərbaycanlı sayan bütün soydaşlarımıza qapılarının açıq olduğunu bildirdib və gələcəkdə nəzərdə tutulmuş lahiyələrlə bağlı tədbir iştirakçılarına məlumat veriblər.
Tədbirin rəsmi hissəsi Köln Konservatoriyasında təhsil alan azərbaycanlı tələbələrin musiqi nömrələri ilə sona çatıb. Qeyri rəsmi hissəsdə isə iştirakçılar Azərbaycan mətbəxi ilə tanış olublar. “AZ Qranat” şirkətinin Azərbaycan istehsalı olan feyxua , zoğal, nar və böyürtkəndən hazırlanmış meyvə şirələri iştirakçılara təqdim olunub. Azərbaycan Mədəniyyət Evi bu ilin aprel ayında Almaniyanın Köln şəhərində yaradılıb və iyun ayının əvvəllərində yerli rəsmi qurumlar tərəfindən qeydiyyata alınıb. Qurumun fəaliyyət istiqaməti elm, mədəniyyət və incəsənətlə bağlıdır. Hazırda Azərbazcan Məktəbi layihəsi üzərində işləyən qurum yaxin günlərdə sözügedən layihənin açılışı ilə bağlı da tədbir keçirəcək.
Modern.az
