Azərbaycanlı güləşçi Sabah Şəriəti Paris-2024-də yarımfinala yüksəlib.
Modern.az xəbər verir ki, o, qazaxıstanlı rəqibi Alimxan Sızdıkova 4:0 hesabı ilə qalib gəlib.
Qeyd edək ki, təmsilçimiz finala gedən yolda kubalı Mixain Lopes Nunyeslə üz-üzə gələcək.
***
17:39
Azərbaycanın yunan-Roma güləşçisi Sabah Şəriəti Fransanın paytaxtı Parisdə keçirilən Yay Olimpiya Oyunlarında mübarizəyə qoşulub.
Modern.az xəbər verir ki, 130 kq çəki dərəcəsində yer alan idmançı yarışa 1/8 final mərhələsindən başlayıb.
Estoniyalı Heyki Nabi ilə güləşən Sabah Şəriəti rəqibinə qalib gələrək 1/4 final mərhələsinə adlayıb.
