Bu gün səhərdən Kiyevdə Regionlar Partiyası prezident Viktor Yanukoviçi dəstəkləmək üçüm ümumukrayna aksiyalarının başladığını elan edib. Modern.az saytı Ukrayna KİV-nə istinadən bildirir ki, regionçuların mitinqi Marinski sarayı ilə Ali Rada arasındakı ərazidə keçirilir. Aksiyada çıxış edən deputat Oleq Tsarev bəyan edib ki, Ukraynanın gələcəyi Rusiya və Avropa Birliyi ilə dostluqla bağlıdır. Amma onun fikrincə, bunun üçün cəmiyyətin daxilində dialoq da vacibdir. Aksiyanın keçirildiyi əraziyə 5 minə yaxın Avropaya inteqrasiya tərəfdarı da hərəkət edib.
Modern.az
