“Hər kəsin mövqeyi əvvəlcədən bəlli idi. Sessiyada əsas diqqət sədrlik və həmsədrliklə bağlı oldu. Bilirisiz ki, bu məsələdə fikir ayrılıqları var idi. Demokratik bir qurum olaraq səs çoxluğu ilə sədrlik postu saxlanıldı, həmsədrlik insititutu isə baş tutmadı”.
Bunu Modern.az-a açıqlamasında Vətəndaş Həmrəyliyi Partiyasının (VHP) Ali Məclisinin sədri Rafiq Manaflı deyib. Onun sözlərinə görə, Milli Şurada Cəmil Həsənlinin sədr seçilməsilə hər şey aydınlaşıb: “Cəmil Həsənli qurumun sədri oldu. Biz də bundan sonra fəaliyyətimizi bu istiqamətdə davam etdirəcəyik. Rüstəm İbrahimbəyovun sədrlikdən kənarlaşdırılaraq fəxri sədr seçilməsi Azərbaycan müxalifətinin ona verdiyi dəyərdir”.
