Rusiya ümid edir ki, Azərbaycan da Gömrük İttifaqına qoşulacaq. Modern.az saytı Rusiya KİV-nə istinadən bildirir ki, bunu Rusiya Dövlət Dumasının Müstəqil Dövlətlər Birliyi, Avrasiya inteqrasiya və həmvətənlərlə əlaqə komitəsinin sədri Leonid Slutski bu gün keçirdiyi mətbuat konfransında deyib. Onun sözlərinə görə, Azərbaycan artıq iqtisadiyyatın inkişafına nail olub. Azərbaycan artıq neçə ildir enerji cəhətdən asılı olmayan ölkədir. Azərbaycan rəhbərliyinin əldə etdiyi bu nailiyyətlər əhali yüksək qiymətləndirir. Biz hesab edirik ki, Azərbaycan Gömrük İttifaqına qoşulacaq, amma bu bir qədər gec olacaq”.
Onun fikrincə, onu da unutmaq lazım deyil ki, Azərbaycan elə ölkədir ki, qərarların qəbulunda Dağlıq Qarabağ münaqişəsi böyük rol oynayır.
Modern.az
