“Oda” teatrı “Zirzəmi”dəki fəaliyyətini davam etdirəcək. Bunu teatrın rəhbəri, əməkdar artist İlqar Cahangir bildirib:
““Zirzəmi” ilə bağlı baş verən problemdə bizə dəstək olan həmkarlarıma, dostlarıma, yanımızda olub-olmayan hər kəsə, hətta ürəyində belə heyifslənən insanlara, hamınıza minnətdaram. Çox sağ olun ki, varsınız! Sizlərin dəstəyi ilə “Zirzəmi”də fəaliyyətimiz davam edir. Qarşıda yeni tamaşalarla görüşənədək”.
Qeyd edək ki, “Oda”ya dekabrın 1-dən Topçubaşov küçəsi 40 ünvanında yerləşən zirzəmidə fəaliyyətini dayandırması üçün xəbərdarlıq edilmişdi. Teatrın aktyorları isə polisdə ifadə verməli olmuşdu.
Misranə Həsənzadə
