Ermənistanda “Vətən uğrunda Tavuş" hərəkatının nümayəndələri bəzi siyasi qüvvələrlə qapalı formatda görüşüblər.
Modern.az xəbər verir ki, bunu “Hraparak” qəzeti yazıb.
"Arxiyepiskop Baqrat Qalstanyan siyasətçilərdən dəstək gözləyir və onlardan sentyabrın 22-də İdman-Konsert Kompleksində keçiriləcək geniş toplantıda mütləq iştirak etməyi xahiş edib. Qeyd olunub ki, bu gün onlar öz proqramlarını, aksiyalarını təqdim edəcəklər, hər kəs öz suallarına cavab alacaq", - məlumatda deyilir.
"O, aktiv aksiyaların sentyabrın 23-də başlayacağını qeyd edib, lakin bunların dinc itaətsizlik aktları və ya başqa bir şey olacağını dəqiqləşdirməyib. Toplantıda iştirak edən siyasətçilərin sayı kifayət qədər az olub", - nəşr yazıb.
