Böyük Britaniyanın xarici işlər naziri ABŞ dövlət katibi ilə birlikdə Ukraynaya gedir.
Modern.az BBC-yə istinadən xəbər verir ki, Böyük Britaniyanın xarici işlər naziri Devid Lemmi bu həftə Ukraynaya səfər edəcəyini və ABŞ dövlət katibi Antoni Blinkenlə birlikdə oraya gedəcəyini açıqlayıb.
Blinken hazırda Londondadır və onlar bunu birgə elan ediblər. Qərb siyasətçiləri genişmiqyaslı müharibə başlayandan bəri demək olar ki, hər gün Ukraynaya səfər edirlər, lakin əksər hallarda onların səfərləri təhlükəsizlik baxımından əvvəlcədən elan edilmir.
Lemmi iyulun 5-də nazir vəzifəsini icra edəndən bəri hələ də Ukraynaya getməyib.
