2024-cü ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 2023-cü ilin müvafiq dövrünə nisbətən 8,3 faiz artaraq 1002,4 manat təşkil etmişdir.
Modern.az Dövlət Statistika Komitəsinə istinadən xəbər verir ki, əməkhaqqı neft-qaz sektorunda 3782,9 manat, qeyri neft-qaz sektorunda 950,6 manat təşkil etmişdir.
Dövlət müəssisələrində çalışan işçilərin əməkhaqları 958,7 manat, özəl müəssisələrdə isə 1048,5 manat olmuşdur.
İqtisadi fəaliyyət növləri üzrə orta aylıq əməkhaqqı aşağıdakı kimidir:
Kənd təsərrüfatı, meşə təsərrüfatı və balıqçılıq 565 manat
Mədənçıxarma sənayesi 3 632 manat
Emal sənayesi 898,3 manat
Elektrik enerjisi, qaz və buxar istehsalı, bölüşdürülməsi və təchizatı 1 069,2 manat
Su təchizatı, tullantıların təmizlənməsi və emalı 723 manat
Tikinti 1 069,5 manat
Ticarət; nəqliyyat vasitələrinin təmiri 670 manat
Nəqliyyat və anbar təsərrüfatı 1 359,3 manat
Turistlərin yerləşdirilməsi və ictimai iaşə 750,1 manat
İnformasiya və rabitə 1 704,3 manat
Maliyyə və sığorta fəaliyyəti 2 826,9 manat
Daşınmaz əmlakla əlaqədar əməliyyatlar 1 091 manat
Peşə, elmi və texniki fəaliyyət 1 718 manat
İnzibati və yardımçı xidmətlərin göstərilməsi 602,8 manat
Dövlət idarəetməsi və müdafiə; sosial təminat 1 389,6 manat
Təhsil 757 manat
Əhaliyə səhiyyə və sosial xidmətlərin göstərilməsi 855,4 manat
İstirahət, əyləncə və incəsənət sahəsində fəaliyyət 744,7 manat
Digər sahələrdə xidmətlərin göstərilməsi 1 213,6 manat
