Abbas Qəmli
Bu gün cəmiyyətimiz anban inkişaf edir və müasirləşir. Müxtəlif təsirlər içərsində yaşadığımız bir zamanda milli dəyərlərimizi qorumaq getdikcə çətinləşir və böyük vətandaşlıq məhsuliyyəti tələb edir. İndi bu işin öhtəsindən layiqincə gəlib onu gələcək nəsillərə əmanət etmək biz gənclərin üzərinə düşür.
Milli-mənəvi dəyər nədir? “Mənəvi dəyər” insanı cəmiyyətdə formalaşdıran , inkişafa kömək edən davranış qaydalarıdır. Bu qaydalar dünya sivilizasiyasının təməli qoyulandan başlamışdır. Məhz hər bir milləti digərlərindən fərqləndirib ayıran da milli-mənəvi dəyərlərdir.
Milli dəyərlərimiz deyəndə hesab edirəm ki, gözlərimizin önünə həm də tar, kaman, qaval gəlir, qulağımızda muğam sədaları səslənir. Ölkəmizi dünyada tanıdan , təbliğ edən muğam sənəti bu gün də hər kəsi heyran etməkdə davam edir. Tarın, kamanın, qavalın sədaları altında Azərbaycan mədəniyyəti muğamla bütün elləri-obaları gəzir. Bütün dünyanı heyran edən bu milli-mənəvi dəyərlərimiz Azərbaycan xalqının müqqədəs sərvətidir. Elə buna görə də Muğamımız YUNESKO-nun dünya irsinin ilk siyahısına daxil edilmişdir.
Təbii ki, burada Heydər Əliyev Fondunun, onun rəhbəri Mehriban xanım Əliyevanın bu sahədəki misilsiz əməyi xüsusi qeyd olunmalıdır.
Bu alətlərin sədası altında Azərbaycan muğamı dünyaya günəş təki doğur. Bu sədaları dinləyən hər bir tanrı övladı sanki Muğam “sehrin”ə düşür.Bu da təbii ki, Azərbaycan dövlətinin dünyada milli dəyərlərinin təbliğinə xidmət edir.
Dədə Qorqudun bizlərə əmanəti olan ozan-aşıq sənətini indi həmdə muğamla davam etdiririk. Bunu da gələcəyə biz amanət etməliyik.. Etməliyik ki, mədəniyyətimiz həmişəbahar qalsın.
Milli dəyərləri qorumaqla biz həm də tariximizi qorumuş oluruq . Özümüzü dərk edirik.
Məhz o, milli dəyərlər sayəsində cəmiyyət inkişaf edib və müasirləşə bilər . Milli dəyərlərini qoruya bilməyən xalq bir gün məhv olmaq qorxusu ilə üzləşə bilər. Milli dəyərlərini anlamayıb müasairliyə can atan millətin gələcəyi isə zülmət qaranlığa bənzəyir. İnamla irəliləmək üçün yolumuza işıq saçan dəyərlərimizi qorumalıyıq.Yoxsa müasirləşmək üçün üz tutduğumuz yolda yolumuza heç kim işıq saçmayacaq. Ya da müasirləşmək adı altında özümüzü və kimliyimizi unudacağıq. Onda nə xalq kimi xalq, nə də millət kimi millət olacağıq. Nə dəyərimiz nə də, qiymətimiz bilinəcək.
Bu gün milli dəyərlərin qorunmasında bizlərin üzərinə şərəfli bir iş düşür. Ona görə ki, milli-mənəvi dəyərlər ölkəmizin əsaslarını təşkil edir.Məhz bu gün milli dəyərlərin müdafiyəçisi biz olmalıyıq. Biz bu dəyərləri qorumaqla həm də dünyanı özümüzə heyran etmiş olarıq. Nece ki, muğamla etməkdəyik.
Gəlin birlikdə milli dəyərlərimizi, adət-ənənələrimizi qoruyub yaşadaq . Dünyanı heyran qoymaqda yolumuzu davam edək.
