Dekabrın 15-də Milli Şuranın mitinq keçirməsi ilə bağlı Bakı Şəhəri İcra Hakimiyyətinə müraciətinə bu gün cavab verilməlidir”. Bunu Modern.az saytına Müsavat Partiyası başqanının müavini Gülağa Aslanlı deyib.
Başqan müavini paytaxtda havaların kəskin soyumasının Milli Şuranın mitinqinə ciddi təsirinin olmayacağını düşünür. “Havaların soyuq və yağıntılı keçməsi mitinqin keçirilməsinə yox, mitinqə gələn insanların azlığına səbəb ola bilər. Qar və yağış yağmasından asılı olmayaraq, məncə, xüsusi dəhşətli hava müşahidə olunmazsa, Milli Şura mitinqin keçirilməsinə israrlı olacaq”.
Mitinqin keçiriləcəyi məkana gəlincə, Gülağa Aslanlının fikrincə, bunun üçün meriyadan istənilən yerlərdən birincisi “Məhsul” stadionudur.
Namidə BİNGÖL
