Rusiyada naməlum şəxslər Kaluqa vilayətində parkdan iki kenquru balasını oğurlayıblar.
Modern.az "Kommersant"a istinadən xəbər verir ki, faktla bağlı oğurluq maddəsi ilə cinayət işi açılıb
Hadisə oktyabrın 1-nə keçən gecə baş verib.
“Naməlum şəxslər əraziyə daxil olub, məhəllənin torunu kəsərək analarının kisəsini təzəcə tərk etməyə və özbaşına qidalanmağa başlayan körpələri aparıblar. Park işçilərinin fikrincə, kenquru balaları lazımi qayğı olmadan yaşaya bilməyəcək”, - deyə məlumatda vurğulanıb.
Analoji hadisə ötən həftə Yaroslavl zooparkında baş verib. Sentyabrın 26-dan 27-nə keçən gecə naməlum şəxslər Kroş adlı kenquru balasını qaçırıblar. Oğurluq faktı ilə bağlı araşdırma aparılır.
