İran 2025-ci ilin mart ayının sonuna kimi yerli istehsal olan üç uzaqdan zondlama peykini orbitə çıxaracaq.
Modern.az xəbər verir ki, bu barədə “İRNA” agentliyi İranın Kosmik Agentliyinin rəhbəri Həsən Salariyə istinadən məlumat yayıb.
O, uzaqdan zondlama peyklərinin 2025-ci il martın 20-dək orbitə buraxılacağını vurğulayıb.
Nəşr bildirib ki, söhbət “Kosvar”, “Tolo-3” və “Zəfər-2” peyklərindən gedib. İddia edilir ki, hər üç peyk təbii fəlakətlər zamanı, xüsusən də yerüstü infrastrukturun işləmədiyi yerlərdə qərar qəbul etməyi asanlaşdırmaq üçün məlumatların qəbulu və ötürülməsi imkanını təmin edəcək.
