"Biliklərə əsaslanan cəmiyyətdə müəllimlər əsas istehsal qüvvəsidir. Ona görə də müəllimlərin qarşısında qoyulan çox önəmli məqsəd və strategiya ilk növbədə ictimaiyyət tərəfindən öyrənilməli və dərk edilməlidir”. Modern.az-ın məlumatına görə bunu TQDK sədri Məleykə Abbaszadə deyib. O, Azərbaycan müəllimlərinin 14-cü qurultayında çıxışı zamanı bildirib ki, gələcək nəsillərə öyrədilən bilik və bacarıqlar önəmlidir.
“Müəllim daim zamanın nəbzini tutmaq üçün öz üzərində çalışmalıdır. Hesab edirik ki, pedaqoji kadrları hazırlayan ali təhsil müəssisələrində bakalavr səviyyəsində, tədris proqramı halında müasir qiymətləndirmə nəzəriyyəsi kursu öz əksini tapmalıdır."- deyə M.Abbaszadə qeyd edib .
Namidə Bingöl
