Respublikaçılar Partiyasından prezidentliyə namizəd Donald Tramp hesab edir ki, Amerikanın keçmiş lideri Barak Obama Kamala Harrisə yox, ona səs verəcək.
Modern.az xəbər verir ki, bu barədə Tramp social sosial şəbəkə hesabında yazıb.
“Düşünürəm ki, Obama mənə səs verəcək, çünki Kamalanın son dərəcə aşağı intellektli bir insan olması onun xoşuna gəlmir”,- deyə Tramp qeyd edib.
Bu arada Barak Obamanın Kamala Harrisin seçki kampaniyasına qatılacağı xəbəri yayılıb.
ABŞ-ın keçmiş prezidentinin ögey qardaşı Abonqo Malik Obama deyib ki, Barak Obama hələ də ölkənin idarə edilməsində iştirak edir və Demokratların namizədi Kamala Harrisin prezident seçkilərində qalib gəlməsində mühüm rol oynayacaq.
