Livanla sərhəddə və Qəzza zolağında davam edən döyüşlərin gedişində İsrail ordusu beş hərbçisini itirib.
Modern.az xəbər verir ki, ordunun mətbuat xidmətinin məlumatına görə, ölənlər arasında bir mayor, bir kapitan və üç çavuş var. Onlar Livanın cənubunda döyüş zamanı həlak olublar. Həmçinin 9 əsgərin yaralandığı və müalicə olunmaq üçün İsrail ərazisinə təxliyə edildiyi bildirilir.
Mətbuat xidmətindən onu da bildiriblər ki, İsrail ordusunun Yaxın Şərq münaqişəsinin yeni mərhələsində ölən hərbçilərinin ümumi sayı 745 nəfərə çatıb.
