BMT-nin baş katibi Antonio Quterreş BRİKS sammitində iştirak edəcəyi Kazana səfər edib.
Modern.az xəbər verir ki, hava limanında Quterreşi vilayət parlamentinin sədri Fərid Muxametşin qarşılayıb.
Kremlin mətbuat xidməti oktyabrın 21-də bildirib ki, dünya təşkilatının rəhbəri Kazanda Rusiya prezidenti Vladimir Putinlə danışıqlar aparacaq. Tərəflərin BMT-nin işi, Yaxın Şərqdəki gərginliyi və Ukrayna ətrafında vəziyyəti müzakirə edəcəyi gözlənilir.
Qeyd edək ki, BRİKS sammiti oktyabrın 22-dən 24-dək Kazanda keçiriləcək.
