UEFA Avropa Liqasının əsas mərhələsinin üçüncü turunda Bakıda üz-üzə gələn “Qarabağ” və “Ayaks” (Niderland) komandaları arasında matç yekunlaşıb.
Modern.az xəbər verir ki, Tofiq Bəhramov adına Respublika Stadionunda keçirilən qarşılaşma rəqibin 3:0 hesablı qələbəsi ilə başa çatıb.
"Ayaks"ın qollarını Kennet Teylor, Vaut Veqhorst və Çuba Akpom vurublar.
"Qarabağ"ın heyətində 15-ci dəqiqədə Julio Romao və 79-cu dəqiqədə Elvin Cəfərquliyev qırmızı vərəqə alaraq meydandan qovulublar.
Qeyd edək ki, “Qarabağ” Avropa Liqasında növbəti oyununu noyabrın 7-də Norveçdə "Bodo Qlimt"ə qarşı keçirəcək.
***
20:46
Bakıda “Qarabağ” və Niderlandın “Ayaks” komandası arasında keçirilən III tur oyunu start götürüb.
Modern.az xəbər verir ki, Tofiq Bəhramov adına Respublika Stadionunda oynanılan qarşılaşma saat 20:45-də başlayıb.
Görüşü Şotlandiyadan olan referi Nikolas Uolş idarə edir.
***
19:52
UEFA Avropa Liqasının əsas mərhələsinin üçüncü turunda bu gün Bakıda keçiriləcək "Qarabağ" - “Ayaks" (Niderland) matçı üçün start heyətləri bəlli olub.
Modern.az Avropa futbol qurumunun rəsmi saytına istinadən xəbər verir ki, komandalar meydana aşağıdakı heyətlərlə çıxacaqlar:
“Qarabağ”: Mateuş Koxalski, Bəhlul Mustafazadə, Abbas Hüseynov, Julio Romao, Elvin Cəfərquliyev, Kevin Medina, Marko Yankoviç, Leandro Andrade, Yassin Benzia, Abdullah Zubir, Olavio Juninyo.
Baş məşqçi: Qurban Qurbanov.
"Ayaks": Remko Pasver, Daniele Ruqani, Yosip Şutalo, Cordan Henderson, Vaut Veqhorst, Kristian Rasmussen, Kian Fits-Cim, Kennet Teylor, Anton Qoei, Yorrel Hato, Devayn Renç
Baş məşqçi: Françesko Farioli
Qeyd edək ki, bu gün Tofiq Bəhramov adına Respublika Stadionunda keçiriləcək oyun saat 20:45-də start götürəcək.
