ABŞ-da prezident seçkilərinə 10 gün qalmış Demokratların namizədi Kamala Harrislə Respublikaçıların namizədi Donald Tramp onlara göstərilən dəstəyin səviyyəsinə görə bərabərləşiblər.
Modern.az xəbər verir ki, “Bloomberg”in rəy sorğusuna əsasən, söhbət yeddi əsas ştatdakı vəziyyətdən gedir.
Sorğunun nəticələri göstərir ki, Harris və Tramp yeddi ştatda (Arizona, Corciya, Miçiqan, Nevada, Şimali Karolina, Pensilvaniya və Vaşinqton) hərəyə 49% dəstək olmaqla bərabərdirlər. Sorğunun statistik səhv marjası 1 faizdir.
Üstünlük əldə etmək üçün Tramp adətən səsverməyə gəlməyən seçiciləri səfərbər etmək niyyətindədir.
Harris isə qadınları cəlb etməyə və Trampın tərəfdarı olmayan mötədil respublikaçıları işə cəlb etməyə çalışır.
Demokratların namizədi bəzi şəxsi keyfiyyətlərinə görə rəqibindən üstündür. Psixi cəhətdən sağlam, dürüst və mərhəmətli namizəddən söhbət düşəndə seçicilər Harrisə üstünlük verirlər. Bu seçicilər Trampı daha təhlükəli hesab edirdilər.
Bununla belə, eks-prezidentin də güclü tərəfləri var, xüsusən də bir çox seçicilər onu təcrübəli, vətənpərvər, güclü lider hesab edirlər.
“Bloomberg”in məlumatına görə, Trampın ən vacib məsələdə - iqtisadiyyatda üstünlüyü var. Əsas ştatlarda amerikalıların təxminən 50%-i ona iqtisadi məsələlərdə daha çox güvənir, Harris üçün bu göstərici 45%-dir.
ABŞ-da prezident seçkiləri noyabrın 5-də keçirləcək.
