Modern.az xəbər verir ki, “Antinarkotizm beynəlxalq elmi-analitik mərkəz” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə “ Narkotik vasitələrin qanunsuz dövriyyəsinə dair mövcud qanunvericiliyin təbliği və onun hüquqi nəticələri barədə əhalinin məlumatlılıq səviyyəsinin artırılması ” layihəsi çərcivəsində Şirvan şəhəri, Sabirabad, Hacıqabul rayonunda tədbirlər keçirilib.
Tədbirlərdə mövzuya dair məruzə dinlənilib, mövzu ətrafında müzakirələr aparılıb, iştirakçıları maraqlandıran sualla mütəxəssislər tərəfindən cavablandırılıb. Keçirilən tədbirin əsas mövzusu xarici narkomaniya qarşı tədqiqat institutları arasında əməkdaşlıq əlaqələrinin yaradılması sahəsində təcrübə mübadiləsi yolları müzakirə olunub. Seminarlarda psixotrom maddələrin istifadəsinə dair təkliflər iştirakçıları arasında müzakirə olunub. Təbliqatın keyfiyyətinin yaxşılaşdırılmasına dair tədbirlər kompleksinin və müvafiq mexanizmlərin həyata keçirilməsi əsas müzakirə mövzusu olub.
Seminarlarda mövcud qanunvericiliyin təbliği və onun hüquqi nəticələri barədə vaxtaşırı görüşlər keçirilməsi zəruriliyi qeyd olunub. Respublikanın təhlükəsizlik məsələləri içərisində sağlamlığın təhlükəsizliyi müasir dövrdə ən aktual problemlərdən birinə çevrilməsi əsas müzakirə mövzusu olub. Narkomaniya probleminin yayılmasının qarşısının alınması yolları və birgə fəaliyyət davam etdirilməsi qərara alınıb. Gələcəkdə bu seminarlardan kənarda qalan insanlar üçün də belə tədbirlərin həyata keçirilməsi nəzərdə tutulub.
Layihənin reallaşması və uğurlu alınması üçün mətbuatla sıx əməkdaşlıq edilib.
Modern.az
