Modern.az xəbər verir ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı «Gənclərin İqtisadi, Sosial və Mənəvi İnkişafına Yardım» İctimai Birliyi , “Ərzaq təhlükəsizliyinin təminatı istiqamətində gənc sahibkarlarla xarici donor institutları və həmkarları arasında əməkdaşlıq əlaqələrinin yaradılmasına dəstək” adlı layihəsini uğurla həyata keçirilib.
Layihənin məqsədi ərzaq təhlükəsizliyinin təminatı istiqamətində, kənd təsərrüfatı profilli elmi tədqiqat müəssisələrinin təcrübəsini, regionlarda gənc sahibkarlar arasında təbliğ etməkdir. Kənd təsərrüfatı fəaliyyətinin genişləndirilməsi üzrə özəl subyektlərin dəstəklənməsi Fermer, Assosiasiyaları Federasiyasının, Peşə məşğulluğu üzrə cəmiyyətlərin və birliklərin yaradılmasına köməklik etməkdir. “Toxumçuluq haqqında” Azərbaycan Respublikası Qanununun İqtisadi Əməkdaşlıq və İnkişaf Təşkilatının və UPOV standartlarına uyğunlaşdırılmasına köməklik olacaq. Yerli və üzvi mineral gübrə yataqlarının müəyyən edilməsi və istismar imkanlarının tətbiqi, gübrələrə olan tələbatın öyrənilməsi və onlardan istifadənin təkmilləşdirilməsi müzakirə mövzusuna olub. Şirvan şəhərində, Sabirabad, Hacıqabul rayonunda baş tutan tədbirlərdə müvafiq sahə üzrə mütəxəssislər cəlb olunublar. Keçirilən tədbirin əsas mövzusu xarici donor institutları arasında əməkdaşlıq əlaqələrinin yaradılması sahəsində təcrübə mübadiləsi yolları müzakirə olunub. Seminarlarda ərzaq təhlükəsizliyinin başlıca elementi olan torpaqların vəziyyətinin öyrənilməsi və torpaqların şoranlaşması vəziyyətini əks etdirən xəritələr nümayiş olunub. Qeyri-məhsuldar torpaqların müəyyən edilməsi və onların (təbii qorluqlar, yasaqlıqlar və s.) istifadəsinə dair təkliflər iştirakçıları arasında müzakirə olunub. Torpaqların keyfiyyətinin qorunmasına və yaxşılaşdırılmasına dair tədbirlər kompleksinin və müvafiq mexanizmlərin həyata keçirilməsi əsas müzakirə mövzusu olub. Seminarlarda mövcud ərzaq təhlükəsizliyi problemi ilə bağlı vaxtaşırı görüşlər keçirilməsi zəruriliyi qeyd olunub. Respublikanın təhlükəsizlik məsələləri içərisində ərzaq təhlükəsizliyi müasir dövrdə ən aktual problemlərdən birinə çevrilməsi əsas müzakirə mövzusuna çevrilib. Son illərdə qida məsullarının bahalaşması, istehsal olunan ərzağın dünya üzrə qeyri-bərabər paylanması, ərzaq qıtlığı, qida məhsullarının idxalından asılı olan dövlətlərin ərzaq suverenliyinin olmaması və s. məsələlər qlobal problem səviyyəsində dəyərləndirilib. Ərzaq təhlükəsizliyi probleminin yayılmasının qarşısının alınması yolları və birgə fəaliyyət davam etdirilməsi qərara alınıb. Gələcəkdə bu seminarlardan kənarda qalan insanlar üçün də belə tədbirlərin həyata keçirilməsi nəzərdə tutulub.Layihənin reallaşması və uğurlu alınması üçün mətbuatla sıx əməkdaşlıq ediləcək.
Modern.az
