Yevlaxda ağır yol qəzası baş verib.
Modern.az “Qafqazinfo”ya istinadən xəbər verir ki, hadisə noyabrın 3-ü saat 20 radələrində Qoyunbinəsi kəndi ərazisində qeydə alınıb.
Samir İbrahimovun sükanı arxasında olduğu “VAZ 2107” markalı avtomobil Ruslan Əhmarovun idarə etdiyi “Muravey” markalı motosikletlə toqquşub. Nəticədə motosiklet sürücüsü hadisə yerində ölüb.
Qeyd edək ki, vəfat edən şəxs Bərdə Rayon İcra Hakimiyyətinin başçısı Vidadi İsayevin bacısı oğludur.
Faktla bağlı cinayət işi başlanılıb, araşdırma aparılır.
