Türkiyəni sarsıdan rüşvət və korrupsiya əməliyyatlarının yaratdığı olaylara ordu münasibət bildirib. Modern.az Türkiyə mediasına istinadən xəbər verir ki, Türkiyə Silahlı Qüvvələrinin Baş Qərargahından verilən açıqlamada qeyd olunur ki, ordu heç bir halda siyasi çəkişmələrə qoşulmaq istəmir.
“Türkiyə Silahlı Qüvvələri Konstitusiyanın tələblərini və digər qanunvericiliklərin tələblərini yerinə yetirir. Ana Yasada qəbul edilən hüquq dövləti, hüququn üstünlüyü, demokratik cəmiyyətin tələbləri prinsipinə bağlılıq ordu üçün vacibdir. Bu baxımdan Türkiyə Silahlı Qüvvələri heç bir şəkildə siyasi qalmaqalların iştirakçısı olmaq istəmir”, - deyə açıqlamada qeyd olunur.
