Noyabrın 29-da Azərbaycan Respublikasının maliyyə naziri Samir Şərifov Türkiyə Respublikasının ölkəmizdəki fövqəladə və səlahiyyətli səfiri Cahit Bağçı ilə görüşüb.
Modern.az xəbər verir ki, iki ölkə arasında maliyyə, iqtisadi, regional və beynəlxalq maliyyə qurumları çərçivəsində əməkdaşlıq məsələlərinin diqqət mərkəzində olduğu görüşdə xüsusilə, Qara Dəniz İqtisadi Əməkdaşlıq Təşkilatı və Qara Dəniz Ticarət və İnkişaf Bankı çərçivəsində qardaş ölkələrin maraqlarına cavab verən qarşılıqlı faydalı əməkdaşlığın genişləndirilməsinin əhəmiyyəti vurğulanıb, qarşılıqlı maraq doğuran məsələlər ətrafında fikir mübadiləsi aparılıb.
