“Özlərini gözə soxmaq istəyən bir qrup aş pazlar və kurslar bizim adımızdan və loqolarımızdan istifadə edir və insanları aldadırlar”.
Modern.az-ın məlumatına görə, bunu Azərbaycan Milli Kulinariya Assosiasiyasının rəhbəri Tahir Əmiraslanov bildirib. Onun sözlərinə görə, bəzən televerilişlərə çıxan həmin şəxslər geyimlərində Azərbaycan Milli Kulinariya Assosiasiyasının loqosunu gəzdirirlər.
“Belə kəslərə inanmayın”, - deyə T.Əmiraslanov ictimaiyyətə çağırış edib.
O, sosial media hesabında Azərbaycan Milli Kulinariya Assosiasiyasının adından istifadə edən aşpazların fotoşəkillərini də paylaşıb.
