Sankt-Peterburqda Rusiya Prezidenti Vladimir Putin və Ermənistan Baş naziri Nikol Paşinyan arasında ikitərəfli görüş planlaşdırılmır.
Modern.az xəbər verir ki, bu barədə Rusiya prezidentinin mətbuat katibi Dmitri Peskov bildirib.
Kremlin sözçüsü Rusiya prezidenti ilə Ermənistanın baş naziri arasında danışıqların MDB ölkələri liderlərinin qeyri-rəsmi sammiti və Avrasiya Ali İqtisadi Şurasının sessiyası çərçivəsində baş tutub-tutmayacağı ilə bağlı sualı belə cavablandırıb: "Ayrıca görüş nəzərdə tutulmayıb, lakin zərurət yaranarsa, onların tədbir çərçivəsində danışmaq imkanı olacaq".
Görüşlər dekabrın 25-26-da Sankt-Peterburqda keçiriləcək.
