Suriyanın keçid hakimiyyəti İran İslam Respublikasına Suriyada xaos yaymamaq barədə xəbərdarlıq edib.
Modern.az xarici KİV-ə istinadən xəbər verir ki, bu barədə Suriyanın keçid hökumətinin xarici işlər naziri Əsəd Həsən əl-Şibani deyib.
“İran Suriya xalqının iradəsinə, ölkənin suverenliyinə və bütövlüyünə hörmət etməlidir. İran bizim daxili işlərimizə qarışmamalıdır!”, - deyə əl-Şibani vurğulayıb.
"Biz onları (iranlıları) Suriyada xaos yaymamaq üçün xəbərdar edirik", - əl-Şibani əlavə edib.
Qeyd edək ki, İran keçmişdə Bəşər Əsəd hakimiyyəti ilə yaxın münasibətdə olub. Tehran Əsəd rejimi devriləndən sonra Suriyadakı mövcudluğunu bərpa etməyin yollarını arayır.
