Lənkəranda hamam otağında huşsuz tapılan qadın ölüb.
Modern.az APA-ya istinadən bildirir ki, hadisə axşam saatlarında Lənkəran rayonunun Səpnəkəran kəndində baş verib.
Kənd sakini 1983-cü il təvəllüdlü X. Səfərovanın hamam otağında halı pisləşib. Dərhal əraziyə təcili tibbi yardım briqadası çağırılsa da, onun həyatını xilas etmək mümkün olmayıb.
Hamam otağını qızdırmaq üçün kömürdən istifadə edildiyi, kömürdən ayrılan dəm qazının onun ölümünə səbəb olduğu bildirilir.
Meyit aidiyyəti üzrə təhvil verilib.
Faktla bağlı rayon prokurorluğunda araşdırma aparılır.
