Xəbər verdiyimiz kimi, bu gün Bakı-Qazax əsas magistral yolunda ağır yol-nəqliyyatı hadisəsi baş verib. Kürdəmir rayonunun Xırdapay kəndindən keçən hissəsində “VAZ – 2107” markalı avtomobil “Ford” markalı mikroavtobusa çırpılıb.
Qəza zamanı Samir Hüseynli hadisə yerində həyatını itirib.
Modern.az-ın məlumatına görə, 2003-cü il təvəllüdlü Samir Hüseynli İmişli rayon sakinidir.
O, UNEC-in Zaqatala filialının IV kurs tələbəsidir.
Qəza zamanı Samirin qardaşı 2009-cu il təvəllüdlü Eynulla Hüseynli müxtəlif dərəcəli ağır bədən xəsarətləri ilə Kürdəmir rayon Mərkəzi Xəstəxanasına çatdırılıb.
