“Azərbaycan Hava Yolların”a məxsus təyyarənin Aktau yaxınlığında qəzaya uğraması nəticəsində ağır yaralanan 3 Azərbaycan vətəndaşı Bakıya gətirilib.
Modern.az xəbər verir ki, yaralıları gətirən təyyarə Heydər Əliyev Beynəlxalq Aeroportunda eniş edib.
Həmin yaralılar "Yeni klinika"ya yerləşdiriliblər.
***
20:41
Aktaudakı təyyarə qəzasında xəsarət alan və Qazaxıstanda xəstəxanada müalicə olunan 3 Azərbaycan vətəndaşı ölkəyə gətiriləcək.
Modern.az-ın məlumatına görə, onların digər yaralılar kimi "Yeni Klinika"ya yerləşdiriləcəyi gözlənilir.
Bununla da kənar müdaxilə nəticəsində AZAL-ın təyyarəsinin qəzaya uğraması nəticəsində xəsarət alan bütün Azərbaycan vətəndaşları Vətənə gətiriləcək.
Qeyd edək ki, bundan əvvəl 14 Azərbaycan vətəndaşı ölkəyə gətirilib.
