Afinə nənə kənddən çıxanda həyat yoldaşı dağlarda döyüşlərdə olub. Ermənilər onun evinin çırağını söndürəndə azyaşlı balaları ilə köçkün həyatına başlayıb. Sonradan bir oğlunu da şəhid verib. Uzun illərdən sonra ilk dəfə bu bayram onun yaralarına məlhəm olur.
Anası ilə birgə doğma yurda - Xocalının Ballıca kəndinə ilk gələnlərdən biri də Kənandır. O kənddən çıxanda 11 yaşı olub. İndi isə 43 yaşında övladarı ilə birgə doğma el obasına qayıdıb.
Bayramı doğma yurdlarında qeyd edən Hümbətovlar ailəsi deyir illərdir ki, doğma torpaqlarına dönəcəkləri günü səbirsizlikə gözləyirdilər. 30 ildən ildən çoxdur ki, köçkün həyatı yaşayan ailə bir neçə gündür öz doğma el-obasına yığışıb.
Hümbətovlar ailəsi kəndə qayıdan 48 ailədən biridir. Onlar əmindirlər ki, qısaa zamandan sonra bütün həmkəndliləri də gələcək və Ballıca kəndi yenidən çal-çağırlı, səsli küylü bayram günlərini yaşayacaqlar.
Modern.az "Xəzər TV"nin reportajını təqdim edir:
