Bakı Şəhəri üzrə Təhsil İdarəsinin (BŞTİ) müdir müavini Hüseyn Əsgərov vəzifəsindən azad edilib.
Modern.az-ın əldə etdiyi məlumata görə, o, vəzifədə olmanın son yaş həddi ilə əlaqədar təqaüdə göndərilib.
Məlumatı saytımıza açıqlamasında Hüseyn Əsgərovun özü təsdiqləyib.
O bildirib ki, bundan sonra fəaliyyətini Bakı Dövlət Universitetində davam etdirəcək.
Hüseyn Abbas oğlu Əsgərov 1958-ci ildə Naxçıvanda anadan olub.
O, 2006-cı ildən Bakı Şəhəri üzrə Təhsil İdarəsində müdir müavini vəzifəsində çalışırdı.
Xatırladaq ki, Bakı Şəhəri üzrə Təhsil İdarəsinin (BŞTİ) digər müdir müavini Anar Məmmədov ötən ay vəzifəsindən azad olunub.
***
Bakı Şəhəri üzrə Təhsil İdarəsindən sorğumuza cavab olaraq bildirib ki, qurumun müdir müavini Əsgərov Hüseyn Abbas oğlunun pensiya yaşına çatması və ərizəsi nəzərə alınaraq dövlət qulluğuna xitam verilib.
