ABŞ-ın yeni seçilmiş prezidenti Donald Tramp Ukrayna böhranını həll etmək üçün Rusiya lideri Vladimir Putinlə çox yaxın zamanda görüşmək istədiyini bildirib.
Modern.az xəbər verir ki, Tramp Newsmax-a açıqlamasında Rusiya prezidenti ilə görüşün dəqiq tarixlərini açıqlamayıb.
"Mən bilirəm ki, o da görüşmək istəyir və mən çox yaxında onunla görüşəcəm", - Tramp vurğulayıb.
Amerikalı siyasətçinin də qeyd etdiyi kimi, görüşü sürətləndirmək və Ukrayna münaqişəsini həll etmək istəyi döyüş meydanında böyük itkilərlə bağlıdır. Trampın sözlərinə görə, vəziyyət Rusiya tərəfi üçün çox yaxşı getməyib.
