Xaçmaz Rayon Polis Şöbəsinə Xudat qəsəbəsində “VAZ-2106” markalı bir avtomobilin naməlum şəxs tərəfindən qaçırılması barədə məlumat daxil olub.
DİN-in Mətbuat Xidmətinin Quba regional qrupundan Modern.az-a verilən məlumata görə, həyata keçirilən tədbirlərlə əməli törədən Qusar rayon sakini Raman Mirzəliyev saxlanılıb. Araşdırmalarla R.Mirzəliyevin Qusar rayonu ərazisində mağazaların birindən oğurluq etdiyi də müəyyən olunub.
Faktlarla bağlı cinayət işi başlanılıb, məhkəmənin qərarı ilə R.Mirzəliyevin barəsində həbs qətimkan tədbiri seçilib.
