“Potomak çayı üzərində hərbi helikopterlə sərnişin təyyarəsinin havada toqquşması nəticəsində baş vermiş qəzada sağ qalan yoxdur”.
Modern.az-ın məlumatına görə, bu sözləri ABŞ Prezidenti Donald Tramp keçirdiyi brifinqdə deyib.
O çıxışında öncə həlak olanları bir dəqiqəlik sükutla yad edib. Tramp çərşənbə gününün ABŞ xalqının, tarixinin qaranlıq və dözülməz bir gecəsi olduğunu deyib.
“İndi iş bərpa mərhələsinə keçib”,- deyə ABŞ Prezidenti əlavə edib.
Xatırladaq ki, ABŞ-da Virciniya ştatında Ronald Reyqan hava limanı yaxınlığında uçuş-enmə zolağına yaxınlaşan təyyarə helikopterlə toqquşub. “American Airlines” təyyarənin göyərtəsində 60 sərnişin və 4 ekipaj üzvünün olduğunu açıqlayıb.
