Azərbaycan İrandakı səfiri Əli Əlizadə İrəvandakı məscidin təhqir olunmasına görə beynəlxalq ictimaiyyətə çağırış edib.
Modern.az xəbər verir ki, bu barədə Azərbaycannı Tehrandakı səfiri Əli Əlizadə "X"də yazıb.
"İşğal illərində Qarabağda bütün məscidlərimizi təhqir edən və tamamilə dağıdan Ermənistan hazırda İrəvandakı Azərbaycan məscidini təhqir edir. Təpəbaşı məscidində turistlərə spirtli içkilər təklif edir. Beynəlxalq ictimaiyyət və təşkilatlar tədbirlər görməlidir, bu vandalizmin qarşısı alınmalıdır", - səfir bildirib.
