Bakı şəhərinin bəzi ətraf kənd və qəsəbələrinin küçələrində hələ də işıq problemi müşahidələr edilir. Sakinlərin narazılığına baxmayaraq, problem tam həllini tapmayıb.
Bakı şəhər İcra Hakimiyyətinin mətbuat xidmətindən Modern.az-ın sorğusuna cavab olaraq bildirilib ki, şəhər ətrafı ərazilərdə işıq dirəklərinin quraşdırılması ilə bağlı, yerli icra qurumları və bələdiyyələr tərəfindən müraciət edilməlidir.
"Müraciətə əsasən, proqram hazırlanır və vəsait ayrılır. Həmin vəsaitə uyğun, Bakı Abadlıq MMC tərəfindən həmin ərazilərdə işıq dirəkləri quraşdırılır. Şəbəkə tam hazır olduqdan isə, Bakı şəhər küçə idarəsinin istismarına verilməsi nəzərdə tutulur. ", - açıqlamada qeyd olunur.
Zərif Sofiyeva
