Bu gün “Nida” vətəndaş hərəkatının üzvlərinin cinayət işi üzrə məhkəmə prosesinin növbəti iclası keçirilir.
M odern.az xəbər verir ki, “Nida”çıların cinayət işinə Bakı Ağır Cinayətlər Məhkəməsinin hakimi Cavid Hüseynovun sədrliyi ilə baxılır. Prosesi beynəlxalq təşkilatların nümayəndələri də izləyir. Şahidlərin məhkəməyə gəlməməsi prosesinin yarım saat gec başlamasına səbəb olub. C.Hüseynov bundan sonra daha bir 30 dəqiqəlik fasilə elan edib. Lakin məhkəmədə şahid qismində ifadə verəcək MTN işçisi bu vaxt ərzində məhkəməyə gəlməyib.
