Bakıya və bütün ölkə ərazisinə güclü qar yağmasına baxmayaraq qatar marşrutlarından təxirə salınan olmayıb. Bunu Modern.az saytına “Azərbaycan Dəmir Yolları” QSC-nin mətbuat xidmətinin rəhbəri Nadir Əziməmmədov deyib:
“Amma hava şəraiti ilə bağlı sərnişin sayında artım müşahidə edilir. Sıxlıq çox olduğundan qatarlara əlavə olaraq 8 vaqon qoşulub. Qatarlar qrafik üzrə stansiyandan çıxacaq. Sadəcə olaraq, sərnişinlərin sayının çoxluğu səbəbindən ola bilər ki, yenidən əlavə vaqonlar qoşulsun”.
