Dünyada ən çox milyonçunun yaşadığı şəhər yenidən Nyu-York olub.
Modern.az bu barədə Beynəlxalq "Henley & Partners" şirkətinin tərtib etdiyi illik reytinqə istinadən xəbər verir.
Reytinqə əsasən, bu şəhərdə sərvəti ən azı 1 milyon dollar olan 384,5 min varlı şəxs yaşayır. Onların arasında 818 nəfər yüz milyonlarla dollar sərvətə sahibdir, 66 nəfəri isə milyarderdir.
Siyahının ikinci pilləsində yerləşən San-Fransiskoda 342 min varlı şəxs yaşayır və milyarder sayı Nyu-Yorkdan da çoxdur – 82 nəfər. İlk onluqda yer alan digər şəhərlər bunlardır:
Tokio – 292,3 min
Sinqapur – 242,4 min
Los-Anceles – 220,6 min
London – 215,7 min
Paris – 160,1 min
Honqkonq – 154,9 min
Sidney – 152,9 min
Çikaqo – 127,1 min
Moskva 30 min milyonçusu və 23 milyarderi ilə 40-cı pillədə qərarlaşıb. Reytinqin müəllifləri qeyd edirlər ki, son on ildə London və Moskva milyonçuların sayında ciddi azalma ilə fərqlənib. Belə ki, Londonda bu göstərici 12%, Moskvada isə 25% azalıb.
