Türkiyənin məşhur "Şakir Paşa Ailəsi: Möcüzələr və qalmaqallar" serialının çəkildiyi tarixi iqamətgahda dəhşətli yanğın baş verib. Faciə zamanı çəkiliş qrupunun üzvlərindən biri alovlara müdaxilə edərkən, tüstüdən zəhərlənərək dünyasını dəyişib.
Modern.az bu barədə Türkiyə mətbuatına istinadən xəbər verir.
Hadisə yerinə çağırılan həkimlərin səylərinə baxmayaraq, işçini xilas etmək mümkün olmayıb., Serialın çəkilişləri isə yenidən müvəqqəti dayandırılıb.
İlkin məlumatlara görə, yanğının hansı səbəbdən başladığı hələ ki, məlum deyil.
Qeyd edək ki, serialın çəkiliş meydançasında daha əvvəl də dəhşətli yanğın baş vermiş, serialın çəkilişləri müvəqqəti dayandırılmışdı.
