Tam (11 illik) orta təhsil səviyyəsi üzrə 9 mart 2025-ci il tarixində keçirilmiş buraxılış imtahanının nəticələri elan olunub. İmtahan iştirakçıları arasında 20 nəfər 300 bal toplamaqla ən yüksək nəticəni göstərib. Onlardan 10-u qız, 10-u oğlandır.
300 bal toplayanlardan biri Naxçıvan məktəblisi Heydərov İbrahim Xəyal oğludur. O, Naxçıvan şəhər 11 saylı orta məktəbin (C.Naxçıvanski adına) şagirdidir.
Məktəbli Modern.az-a açıqlamasında bildirib ki, 300 bal gözləməsə də yüksək nəticə gözləyirmiş:
“Bu nəticəyə nail olmaq üçün çox çalışmışdım. İstəyərdim ki, maliyyə yaxud iqtisadiyyat ixtisası üzrə təhsil alım. Öz əməyimin nəticəsini bu nəticə ilə gördüm. Blok imtahanına da ciddi hazırlaşaraq 700 yaxud 680-dən yüksək nəticə əldə etmək istəyirəm. Abirutiyentlərə məsləhətim odur ki, məqsədlərinə nail olmaq üçün çox çalışsınlar. Bacardıqlarının ən yaxşısını etsinlər ki, məqsədlərinə nail olsunlar”.
